Ու անվերջ արտասվեմ:
Ուզում եմ մենությունս լինի իմը,
Բայց ես չլինեմ նրանը:
Ուզում եմ չզգալ կողմնակի անձանց կարիքը
Իմ ու իմ մենության արանքում:
Ուզում եմ լինել ներդաշնակ:
Ներդաշնակ մթությանս մեջ,
Ներդաշնակ ամբոխում,
Ներդաշնակ լռությանս մեջ,
Ներդաշնակ մենությանս հետ մենությանս մեջ:
Ուզում եմ չլինես դու, նա, դուք, նրանք
Իմ ու իմ մենության տաքուկ մահճում՝
Իմ ու իմ մենության մեջտեղում:
Ուզում եմ փարվեմ սեփական մենությանս,
Տրվեմ սեփական ցավերիս,
Սեփական մարմնիս,
Սեփական անսեփականությանս:
Չլինեմ ու լինեմ իմը,
Միայն իմը:
